೧. ಚುಟುಕ
ಬರೆವೆ ದಿನಾ ಕೆಲವು ಚುಟುಕ
ಅದರಲಿರಬಹುದು ಎರಡು ಕಾಳು
ಚುಟುಕ ಹನಿ ಸವಿಯಿರಿ ಗುಟುಕ ಗುಟುಕ
ಎಸೆದು ಹಾರಿಬಿಡಿ, ಜಳ್ಳು ಟೊಳ್ಳು, ಹಾಳು.

೨. ಮುತ್ತಿನ ಹನಿ
ಮಳೆಯ ಮುತ್ತಿನ ಹನಿಗಳು
ಕೆಸುವಿನೆಲೆ ಮೇಲಿನ ಮಣಿಗಳು
ಕಂಗೊಳಿಸಲು ಉಲ್ಲಾಸವು
ಶುರುವಾಗಿದೆ, ಮಳೆಗಾಲವು!

೩. ಕಸದ ಬುಟ್ಟಿ
ಕೆಲವು ವ್ಯಾಟ್ಸಪ್ ಈಗ ಬರಿಯ ಕ.ಬುಟ್ಟಿ
ಬಂದದ್ದೇ ಬಂದುದರ ನೋಡಿ ಸಾಕಾಗಿ
ದಿನಾ ಅವನೀಗ ಒರೆಸಿ ಗುಡಿಸಿ ಬಿಡುವೆನಟ್ಟಿ
ವ್ಯಾಟ್ಸಪ್ಪಲಿ ಸೃಜನ ಸಾಹಿತ್ಯ ಬರಲಿ ಸಾಗಿ.

೪. ಬೇಂದ್ರೆ
ದ.ರಾ.ಬೇಂದ್ರೆಯವರ ಮನಸು
ಎಷ್ಟು ಮೆದು ಮಧುರವು, ಸೊಗಸು
ಇಂಥವರಿಂದು ಬಹು ವಿರಳಾತಿ ವಿರಳ
ಬೆ೦ದು ಹದವಾದ ಬೇಂದ್ರೆ ಹೃದಯ ಸರಳ.

೫. ಮದುವೆ
ಮದುವೆ ಮದುವೆ
ನೀನು ಮುದವ ತರುವೆ
ಎರಡು ಮನಮನೆಗಳನು
ನೀನು ಬೆಸೆಯುವೆ.

                              -ಗುಣಾಜೆ ರಾಮಚಂದ್ರ ಭಟ್

ಗುಣಾಜೆ ಚಂದ್ರಮ - ೧ ನ್ನು ಓದಲು ಮುಂದಿನ ಲಿಂಕ್ ಗೆ ಭೇಟಿ ನೀಡಿ - ಚಂದ್ರಮ ೧